ஞீலிவனேஸ்வரர் கோயில், திருப்பைஞ்ஞீலி

திருப்பைஞ்ஞீலி என்பது தமிழ், ஆங்கிலம் அல்லது வேறு எந்த மொழியிலும் எழுதுவதற்கும் , உச்சரிப்பதற்கும கடினமான பெயர். பெரிய இடங்கள் பெரிய +கடினமான  பெயர்களுடன் தொடர்புடையவையாக இருப்பதில் ஆச்சரியமென்ன ?

திருச்சி நகரத்திற்கு வெளியே உள்ளவர்களுக்கு அதிகம் அறியப்படாத கோயில்களில் ஒன்றான இந்த கோயில், குழந்தைகளின் திருமண தாமதத்தைப் பற்றி கவலை கொண்டுள்ள பெற்றோர்களின் ஆபத்சகாயன்.   .

ஆமாம், இது ஒரு திருமணத்தடை  (தோஷ) பரிஹார ஸ்தலம். இவ்விடம் குடி கொண்டுள்ள இறைவன்  திருமணமாகாதவர்களுக்கு விரைவில் திருமணத்தை  ஆசீர்வதித்து அருளுகிறார்..

சைவக்குரவலர்கள்  அப்பர், சுந்தர் மற்றும் ஞானசம்பந்தர் ஆகியோரால் புகழ்ந்து  பாடப்பட் ட  கோயில்களில் ஒன்றான இந்த கோயில் கருவறை 6 ஆம் நூற்றாண்டுக்கு முந்தையது. மற்ற கட்டமைப்புகள் பிந்தைய காலப்பகுதியில் உருவாக்கப்பட்டுள்ளது . ராஜ ராஜ சோழர் மற்றும் ராஜேந்திர சோழர் ஆகியோரால் வைக்கப்பட்ட கல்வெட்டுகள்  இக் கோயிலின் பழைமையைப்  பற்றிய சான்றுகளை அளிக்கிறது.

 வாயு தேவன்  (ஒரு தீவிரமான புயலான) சண்டமாருதத்தை வீசியபோது தூக்கி எறியப்பட்ட கைலாச மலையின் ஒரு பகுதி  ஸ்வேதகிரி. இப்போது திருப்பைஞ்ஞீலி என்று அழைக்கப்படுகிறது .

ஞீலிவனநாதர்  (கதலிவனநாதர்) இத்தலத்தில்  சுயம்பு மூர்த்தி.

கோயிலுக்கு வாழை என்று பொருள்படும் ஞீலி என்பதிலிருந்து இந்த பெயர் வந்தது. இந்த க்ஷேத்ரத்தில்  சப்தமாதர்  அல்லது ஏழு கன்னிகையர் இறைவன் இறைவியுப் பூஜித்த போது  இந்த க்ஷேத்திரத்தில் வாழை மரங்களின் வடிவத்தில் இருக்க அருளப்பட்டதால் , இப்  பெயர். 

 சிவனின் பாதத்தின்  கீழ் ஒரு குழந்தையாக தோன்றிய எமதர்மராஜனின்  மறுபிறப்புடன் இந்த கோயில் தொடர்புடையது.  (சிவன் இந்த கோவிலில்  ஒரு அரிய கருங்கல்லால்  ஆன சோமஸ்கந்த வடிவத்தில் உள்ளார். மற்ற கோவில்களில் பஞ்சலோக சோமாஸ்கந்தரையே காணலாம்). இந்த ஆலயத்தில் எமதர்மராஜனின்   மறுபிறப்புடன்  தொடர்புடையதால் , இந்த கோயில் பக்தர்களுக்கு இழந்த தொழில் , வாழ்க்கையை மீட்டெடுத்தல் , வழக்குகளில் வெற்றி, கடன்-நிவாரணம்  மற்றும் நீண்ட ஆயுளை வழங்குகிறது.

 திருநாவுகாரசருக்கு இந்த கோவிலில் அன்னம் (அரிசி) மற்றும்  இறைவன் தரிசனம் வழங்கப்பட்டது. துறவிக்கு உணவு கொடுத்த இறைவனை சோற்றுடைய  ஈஸ்வரர் என்று அழைக்கிறார்கள்.

இந்த கோவிலில் நடராஜர் வடிவத்தில் இறைவனை வழிபடும் வாய்ப்பு வசிஷ்ட முனிவருக்கு கிடைத்தது.

ராவணனை வெல்வதற்கு முன்பு ராமர் இங்கு இறைவனை வணங்கினார்.

கோயில் நன்கு பராமரிக்கப்படுகிறது. இது ஒரு பரிஹார ஸ்தலம் என்பதால் அர்ச்சகர்கள்  மற்றும் அதிகாரிகளால் சுரண்டப்படுவதற்கான சாத்தியக்கூறுகள் உள்ளன, ஆனால் ஆச்சரியப்படும் விதமாக அது மிகவும் குறைவாகத் தெரிகிறது .

கோவில் அலுவலகம் பரிஹாரத்திற்காக இங்கு வரும் எண்ணற்ற பக்தர்களை ஒழுங்குபடுத்துவதோடு மட்டுமல்லாமல், அவர்களை ஒழுங்கமைக்கப்பட்ட முறையில் சிறு குழுக்களாக  கையாளுகிறது. பூஜை பொருட்களை மிகக் குறைந்த விலையில் விநியோகிப்பதோடு டோக்கன் முறையும் பாராட்டுக்குரியது.

ராஜ கோபுரம்  முழுமையடையவில்லை. கடவுள் விரும்பும் போது அது வரும், ஆனால் அது வரும்போது அது ஒரு பெரிய கோபுரமாக இருக்கும் என்பதில் சந்தேகமில்லை . கோயில் சுற்றுச் சுவர்கள் (பிரஹார சுவர்கள்) மிக நேர்த்தியானவை (உயரமானவை மற்றும் பருமனானவை).

பிரபலமான பரிஹார ஸ்தலமாக  இருந்தபோதிலும், கோயில் நன்கு பராமரிக்கப்படுகிறது. கோயில் சூழல் உங்களை எண்பதுகளுக்கு அழைத்துச் செல்லும்.

உங்கள் வாழ்நாளில் நீங்கள் தவறவிடக்கூடாத ஒரு அழகான கோயில்.